Өлім дәрісі: Австралияда алғаш рет эвтаназия жасалды - на health.bugin.kz
Әйгерім - на health.bugin.kz Әйгерім

Бұл жағдай Виктория штатында орын алған

Австралия тұрғыны Керри Робертсон елде тұңғыш рет Виктория штатындағы жаңа заңға сәйкес эвтаназия құқығын пайдаланды. Оның бұл қадамға баруына, зиянды ісік себеп болды, деп хабарлайды Agence France-Presse.

Робертсон Бендиго қаласының ауруханасында қайтыс болды. Әйелдің Жаки есімді қызы агенттікке анасы өмірден кетуге дайын болғанын хабарлады. Ол тез қайтыс болды деп қосты ол. Қызының айтуынша, ауру салдарынан әйел зардап шегіп, қатты ауырған.

Керри Робертсон (ортада) қыздарымен бірге

Австралиялық билік әйелдің өлімі туралы шешімді 26 күн бойы талқылады. Эвтаназияны растағаннан кейін науқасқа арнайы дәрілер беріліп, Робертсон қайтыс болды.

2017 жылы Австралияның Виктория штаты эвтаназияны заңдастырды. Agence France-Presse қалған Штаттар да осы үлгіге ілесуі мүмкін екенін хабарлайды. Қазіргі уақытта Виктория - эвтаназияға рұқсат етілген Австралияның жалғыз штаты.

Керри Робертсонде сүт безі обыры 2010 жылы табылған. Кейін дәрігерлер оның сүйектерінде, өкпесінде, миында және бауырында метастаздарды тапты. 2019 жылы наурызда науқас емді тоқтатамын деген шешім қабылдаған, себебі химиотерапияның әсерлері жарамсыз болған екен.

0 Пікір Кіру